Foydalanuvchi bilan kelishuv

Mazkur Foydalanuvchi bilan kelishuv (bundan buyon – Kelishuv) bir tomondan “KNAUF GIPS BUXORO” XK MCHJ  (bundan buyon - memorcontest.uz yoki Maʼmuriyat)  va ikkinchi tomondan saytdan Foydalanuvchi oʻrtasidagi munosabatlarni tartibga soladi. Sayt https://memorcontest.uz/ sayti ommaviy axborot vosistasi hisoblanmaydi, u Maʼmuriyat tomonidan tanlov (bundan buyon - Tanlov) oʻtkazishni tashkil etish maqsadida yaratilgan.

Mazkur Kelishuvda “Foydalanuvchi” deganda saytda roʻyxatdan oʻtgan jismoniy shaxs tushuniladi.

Saytdan foydalanar ekansiz, siz ushbu Kelishuv shartlariga rozilik bergan boʻlasiz. Agar siz ushbu Kelishuv shartlariga rozi boʻlmasangiz, https://memorcontest.uz/ saytidan foydalanmang. 

Kelishuv predmeti:

Maʼmuriyat ushbu Kelishuv doirasida Foydalanuvchiga sayt resurslariga kirib Tanlovda ishtirok etish, saytda ushbu Kelishuvda va Tanlov oʻtkazish qoidalarida belgilangan axborotni joylashtirish imkoniyatini taqdim etadi.  

Tomonlarning huquq va majburiyatlari:

Foydalanuvchi quyidagilarga haqli:

• - saytda axborot izlashni amalga oshirish
• - saytda axborot olish
• - saytda matnli axborotni hamda fotomateriallarni joylashtirish     
• - sayt resurslaridan ushbu Kelishuv va Tanlovni oʻtkazish qoidalarida belgilangan chegaralarda foydalanish.

Maʼmuriyat quyidagilarga haqli:

• - oʻz xohishiga koʻra va zaruriyatga qarab ushbu Kelishuv va Tanlovni oʻtkazish qoidalarini yaratish, oʻzgartirish, bekor qilish;
• - saytdagi har qanday axborotga kirish uchun cheklov qoʻyish;
• - saytda axborotni yaratish, oʻzgartirish, olib tashlash;
• - ushbu Kelishuv va Oʻzbekiston Respublikasining amaldagi qonunchiligida koʻzda tutilgan hollarda Foydalanuvchining hisob yozuvlarini olib tashlash.

Foydalanuvchining majburiyatlari:

• - Maʼmuriyat soʻrovnomasiga koʻra unga taqdim etiladigan va/yoki saytda joylashtiriladigan axborotning ishonchliligini taʼminlash;   
• - urushni propaganda qilish, milliy, irqiy yoki diniy nizo va dushmanlikni yoyishga qaratilgan, shuningdek, Oʻzbekiston Respublikasida tarqatilgani uchun jinoiy yoki maʼmuriy javobgarlik koʻzda tutilgan boshqa axborotni tarqatmaslik;
• - saytning ishlash qobiliyatini buzmaslik;
• - yozuvlar aynan bir shaxsga tegishli boʻlgan hollarda saytda bittadan ortiq hisob yozuvini yaratmaslik;
• - oʻz hisob yozuvini va/yoki login va parolini uchinchi shaxslarga foydalanish uchun bermaslik;
• - hisob yozuvini boshqa shaxs nomidan yoki uning oʻrniga roʻyxatdan oʻtkazmaslik, Oʻzbekiston Respublikasi qonunchiligida koʻzda tutilgan holatlar bundan mustasno;  
• - reklama, erotik, pornografik yoki tahqirlovchi xarakterdagi materiallarni, shuningdek, Oʻzbekiston Respublikasining amaldagi qonunchiligi bilan taqiqlangan yoki uning normalariga zid boʻlgan axborotni joylashtirmaslik;
• - axborotni avtomatlashtirilgan tarzda yigʻish va/yoki sayt va uning servislari bilan oʻzaro harakatlar uchun skriptlardan (dasturlardan) foydalanmaslik.

Maʼmuriyatning majburiyatlari:

• - saytning ishlash qobiliyatini qoʻllab-quvvatlash, Maʼmuriyatga bogʻliq boʻlmagan sabablarga koʻra bunga imkon boʻlmagan holatlar bundan mustasno;
• - Foydalanuvchining hisob yozuvini har tomonlama himoyalashni amalga oshirish;  
• - tarqatilishi qonun bilan cheklangan yoki taqiqlangan axborotni, ushbu Kelishuv qoidalari va/yoki Tanlov oʻtkazish qoidalarini buzgan Foydalanuvchini ogohlantirish yoki uning hisob yozuvini ketkazish orqali  himoyalash;
• - Foydalanuvchi toʻgʻrisidagi barcha joiz axborotni davlat hokimiyatining vakolatli organlariga taqdim etish.

Tomonlarning javobgarligi

• - Foydalanuvchi oʻzi tarqatayotgan axborot uchun shaxsan toʻliq javobgar;
• - Maʼmuriyat Foydalanuvchi tomonidan boshqa manbalardan koʻchirib olingan va saytda joylashtirilgan axborotning ishonchliligi yuzasidan hech qanday javobgarlikka ega emas;
• - fors-major holatlar (jangovar harakatlar, favqulodda holat, tabiiy ofatlar va hokazolar) sodir boʻlgan taqdirda, Maʼmuriyat Foydalanuvchi tomonidan saytda joylashtirilgan axborotning saqlanishi hamda saytning muttasil soz ishlashini kafolatlamaydi.

Kelishuvning amal qilish shartlari

Mazkur Kelishuv saytda roʻyxatga olingan paytidan boshlab kuchga kiradi va uning shartlari Foydalanuvchi uchun majburiy hisoblanadi.

Kelishuv uning yangi versiyasi paydo boʻlganidan keyin amal qilishdan toʻxtaydi.

Maʼmuriyat ushbu Kelishuvni bir tomonlama tartibda oʻz xohishiga koʻra oʻzgartirish huquqini oʻzida saqlab qoladi.

Mazkur Kelishuv shartlari oʻzgartirilgan taqdirda, Maʼmuriyat Foydalanuvchini ushbu oʻzgartirishlar toʻgʻrisida elektron pochta va/yoki saytdagi axborot bloklari orqali xabardor qiladi.